Vatan ulug‘ dargoh. Uning har qarich tuprog‘i muqaddas va azizdir. “Gʻalaba bog‘i” yodgorlik majmuasining yurtimizda barpo etilganligi esa, jonajon ona vatanimiz tinchligini asrab-avaylash uchun jonidan kechib, bor kuch-g‘ayrati bilan himoya qilgan yurtdoshlarimiz xotirasini mangulikka muhrladi. Ushbu majmua uy-muzeylari rahbarlari uchun nafaqat qutlug‘ maskan, balki o‘z faoliyatlari mobaynida qo‘llashi mumkin bo‘lgan jarayonlar, jumladan,eksponat va ekspozisiyalarni joylashtirish va ularni saqlash, asrab-avaylashda e’tibor qaratilishi lozim bo‘lgan jarayonlar bilan ham tanishish imkonini berdi.