Shunday ekan, ertamiz egalariga har tomonlama ko‘mak berish, ularni ma’nan yetuk, jismonat sog‘lom bo‘lib yetishishlari uchun zamin yaratadi. “Gʻalaba bog‘i” yodgorlik majmuasida tashkil etilgan “Musaffo osmon” rasmlar ko‘rik tanlovi ham ana shunday ezgu maqsadlar yo‘lida tashkil etildi. Bolajonlarga olam-olam quvonch bag‘ishlagan ushbu tanlov “Butunjahon xalqaro polisiya assosiasiyasi” hamda “Gʻalaba bog‘i” yodgorlik majmuasi hamkorligida tashkil etildi. Unda Toshkent shahri hamda Qoraqolpog‘iston Respublikasidan kelgan iste’dodli yoshlar, poytaxtimizdagi qator maktab - internati o‘quvchilari ishtirok etib,  bor mahoratlarini namoyon etishdi. Tadbir davomida Qurolli Kuchlar Markaziy ashula va raqs ansambli xonandalari tomonidan vatanni madh etuvchi kuy va qo‘shiqlar ijro etilib, barchaga ko‘tarinki kayfiyat ulashdi. Ayniqsa, Davlat Bojhona Qo‘mitasi Milliy kinologiya markazi tomonidan ijro etilgan xavfsizlikni ta’minlashga qaratilgan sahna ko‘rinishlari yoshlarda katta taasurot qoldirdi. Tanlov g‘oliblariga qimmatbaho sovg‘alar hamda sertifikatlar topshirildi.