Qahramonlik, matonat va fidoiylik mangu xotiramizda

2021-yil 21-dekabr kuni Moskva ostidagi janglarning 80 yilligiga bagʻishlab, «Вклад народов Центральной Азии в победу в Великой Отечественной войне» mavzusida Rossiya federatsiyasi M.V.Lomonosov nomidagi Moskva davlat universiteti, Oʻzbekiston Respublikasi M.Ulugʻbek nomidagi Milliy universiteti, Kozogʻiston Respublikasi Ye.A.Buketova nomidagi Karaganda universiteti, Afrika va Osiyo instituti hamda “Shon-sharaf” davlat muzeyi ilmiy xodimlari orasida ZOOM platformasi orqali onlayn konfirensiya oʻtkazildi.

Mazkur konferensiyada “Gʻalaba bog‘i” yodgorlik majmuasi xodimlari tomonidan Markaziy Osiyo davlatlarining Ikkinchi jahon urushida erishilgan buyuk g‘alabaga qo‘shgan hissasi hamda vatan tinchligi uchun jonini fido qilgan mard va jasur qahramonlarning ko‘rsatgan fidoiyligi, shuningdek, front ortidagi yuksak insonparvarlik namunalari to‘g‘risida ma’ruzalar o‘qildi.