“Gʻalaba bogʻi” – mardlar maydoni, “Shon-sharaf” muzeyi

“Gʻalaba bogʻi” – mardlar maydoni, “Shon-sharaf” muzeyi – yurtimning shaʼni!

Muhtaram Prezidentimiz Shavkat Mirziyoyevninig tashabbusi va gʻoyasi ostida bunyod etilgan “Gʻalaba bogʻi” yodgorlik majmuasi bugungi kunda nafaqat xalqimizninig, balki, Xorijiy davlatlardan yurtimizga tashrif buyurayotgan mehmonlarninig ham sevimli maskaniga aylanib bormoqda desak mubolagʻa boʻlmaydi. Ayniqsa, ushbu Majmua faoliyati bilan bogʻliq loyihalarni amalga oshirish yoʻlida hamkorlik qilishni istayotgan qoʻshni davlatlar soni ham ortib bormoqda. Jumladan, joriy yilninig 28-30 oktabr kunlari Rossiya federatsiyasi Moskva shahridagi “Uchinchi ming yillikda taʼlim” mintaqalararo jamoat fondi tomonidan “Gʻalaba bogʻi” yodgorlik majmuasi huzuridagi “Shon sharaf” davlat muzeyida 1941 hamda 1945-yillarda Ikkinchi jahon urushi qatnashchilarining xotiralari asosida “Mening urushim” nomli hujjatli film suratga olinmoqda. Unda Oʻzbekiston xalqininig Ikkinchi jahon urushi davrida buyuk Gʻalabaga qoʻshgan ulkan hissasi, front ortida koʻrsatgan matonati va insonparvarligi hikoya qilinadi.

Bizning maqsadimiz Ikkinchi jahon urushi davrida tinchlikni taʼminlash yoʻlida qahramonlik koʻrsatgan fidoiy insonlarning boshidan kechirgan ayanchli kunlari, Vatan uchun kerak boʻlsa jonidan kechishga tayyor boʻlib, har qanday ogʻir sinovlar boʻlishiga qaramay ortga chekinmasdan sabr va matonat bilan kurashgan urush qatnashchilarining xayotini yoritish orqali yoshlarga ularni ibrat qilib koʻrsatishdan iboratdir. Biz jamoamiz nomidan Oʻzbekiston Respublikasi Prezidentiga, Mudofaa vazirligi hamda “Gʻalaba bogʻi” majmuasi rahbariyatiga chuqur minnatdorchilik bildiramiz. Shu bilan birga, bugun sal kam 100 yoshni qoralayotgan Oʻzbekistonlik urush faxriylarining bizninig loyihamizda ishtirok etayotganligi oʻzbek xalqininig naqadar insonparvar va mehmondoʻst ekanligidan dalolatdir deydi, – loyiha ijrochi prodyusseri Petrova Yulya Viktorovna.