“G’alaba bog’i” yodgorlik majmuasida “Uch avlod uchrashuvi”

Mudofaa vazirligi huzuridagi Jamoatchilik kengashining tashabbusi bilan joriy yilning 28-aprel kuni Sirdaryo viloyatining bir guruh uyushmagan, “Yoshlar daftari”ga kiritilgan yigit-qizlar hamda Faxriylarning Toshkent shaxrida joylashgan “G’alaba bog’i” yodgorlik majmuasiga tashrifi uyishtirildi. Mehmonlar xarbiy orkestr sadolari ostida tantanali kutib olindi. Tadbir ishtirokchilari, O‘zbekiston xalqining front va front orti jasorati, mashaqatli mehnatlari shuninmgdek, erishilgan g’alabaga qo‘shgan ulkan hissasi bilan yaqindan tanishdilar.

Tadbir avvalida ishtirokchilar Zulfiya Zokirova haykali poyiga gullar qo’yishdi. Shuningdek “G’alaba bog’i”da joylashgan amfiteatrda tadbir ishtirokchilari, Jamoatchilik kengashi vakillari, kursantlar, Mudofaa vazirligi faxriylari ishtirokida “Uch avlod” ma’naviy ma’rifiy uchrashuvi o‘tkazildi. Ushbu tadbirda yoshlar o‘zlarini qiziqtirgan savollariga javob olishdi.

Bu kabi tadbirlar yoshlarni vatanparvarlik ruhida tarbiyalash, shukronalik hissini oshirish bilan ahamiyatlidir.