Bugungi kunda mamlakatimizda hamkorlik aloqalari mustahkamlanib, sohalar rivojiga alohida eʼtibor qaratilmoqda. Prezident Shavkat Mirziyoyev Rossiyaning “LUKOYL” kompaniyasi prezidenti Vagit Аlekperovni qabul qildi. Uchrashuv chogʼida “LUKOYL” kompaniyasi bilan strategik hamkorlikni kengaytirishga qaratilgan idoralararo ishchi guruh tuzish va “Yoʼl xaritasi”ni qabul qilishga kelishib olindi.

Tashrif doirasida Vagit Аlekperov boshchiligidagi delatsiya poytaxtimizdagi “Gʼalaba bogʼi” yodgorlik majmuasida boʼlib, mazkur maskan faoliyati bilan yaqindan tanishdi.

– Ikkinchi jahon urushining jang maydonlarida Oʼzbekiston xalqi oʼzinng qahramonligi va matonati shuningdek, front ortidagi insonparvarlik namunalarini koʼrsatganligi barchaga maʼlum. Tinchlikni asrash yoʼlida jasorat koʼrsatgan fidoiy insonlar xotirasini abadiylashtirish, shuningdek, ular xaqida soʼzlovchi “Gʼalaba bogʼi” yodgorlik majmuasi bizda katta taasurot qoldirdi. Bu esa, yurtingizda olib borilayotgan keng koʼlamli islohotlarning natijasi oʼlaroq, oʼtmishni qadrlagan holda kelajakni mustahkamlashga qaratilgan oqilona siyosatning natijasidir,– deydi Vagit Аlekperov.

 Shuningdek, “Shon sharaf” davlat muzeyidagi tashrif buyuruvchi oliy darajadagi delegatsiyalar hamda chet ellik mehmonlarning dil izhorlarini bitish kitobiga oʼzlarining olgan iliq taasurotlarini yozib qoldirishdi.