Farg‘ona viloyati, O‘zbekiston tumani farzandi, II jahon urushida bedarak yo‘qolgan mard o‘g‘lon oddiy askar Dadabayev Abdullajonning muborak nomi va xotirasi yurtimizga qaytdi. Oradan 84 yil o‘tib Belorussiyalik iztoparlar tomonidan topilib, u ona yurti Davlatbotir qishlog‘i bag‘rida harbiy an’analarni bajo keltirib, yuksak ehtirom bilan dafn etildi.
        Bu marosim – tarixiy adolatning tiklanishi, ajdodlarimiz jasoratining yorqin timsoli bo‘ldi. O‘rnashib qolgan “Hech kim, hech narsa va hech qachon unutilmaydi!” degan shior bugun yanada chuqur ma’no kasb etdi.
        Marosimda Mudofaa vazirligi vakillari, faxriylar ishlari buyicha Markaziy kengash vakillari, Sharqiy harbiy okrug qo‘mondonligi, Sharqiy harbiy okrug faxriy pensionerlari,  davlat va jamoat tashkilotlari vakillari, mahalliy aholi, yoshlar ishtirok etishdi. Ular qahramon askarning xotirasiga ehtirom bildirishdi.
        Uning jasorati va fidokorligi Vatanga sadoqat ramzi sifatida kelajak avlodlar uchun ibrat bo‘lib qoladi.