Ushbu majmuaning barpo etilishi va undan ko‘zlangan maqsadlarni insonlar qalbida teran va ravshan holda anglatib turuvchi noyob eksponatlar va ma’lumotlar mehmonlarda katta taassurot uyg‘otdi. Vatan va tinchlik qadri, nohaq to‘kilgan achchiq ko‘z yoshlar, matonat bilan yengilgan azobu uqubatlarni dalil ashyolar bilan ochib berguvchi ekspozisiyalar, yodgorliklar va monumentlardan hayratlangan delegatsiya a’zolari, –O‘zbekiston xalqi azal-azaldan  mehridaryo va xalqparvar ekanini e’tirof etishdi. Qirg‘izistonlik mehmonlar o‘zlarini qiziqtirgan savollarga mutaxassislardan atroflicha javoblar olishdi.