Ertamiz egalari “Tantanali va’da” berishdi

Poytaxtimizning Yashnobod tumanida joylashgan XTBga qarashli 153-umumta’lim maktabi qoshidagi “OLIMP LIDER” mahsus harbiy sport klubi hamda “Lochinlar” harbiy sport maktabi tarbiyalanuvchilari, “Gʻalaba bog‘i” yodgorlik majmuasi hududida “Tantanali va’da” berish marosimini o‘tkazishdi. Ushbu majmuada ertamiz egalarining vatanga sodiq va munosib tarzda voyaga yetishlari uchun harbiy vatanparvarlik tadbirlarini o‘tkazish an’anaga aylandi.

Boisi, ushbu maskan chin ma’noda tarix va bugunni bog‘lab turuvchi, yoshlar ongida esa, vatan naqadar muqaddas va aziz ekanini takror va takror yodga soluvchi yurtimizning eng muqaddas majmualaridan biri sifatida qad rostlagan. Kelajakda o‘z ona vatani hamda xalqiga sidqidildan xizmat qilish, jonajon va aziz zaminimiz tinchligini asrab-avaylash eng oliy maqsadimiz,–deya “Tantanali va’da” bergan yosh vatanparvarlar albatta ajdodlarimizga munosib vorislardir. Shu kuni harbiy orkestor jamoasi tomonidan ijro etilgan vatanni madh etuvchi kuy va qo‘shiqlar tadbirga yanada ko‘tarinki ruh bahsh etdi.