O‘zbekiston veteran jangchi faxriylar va nogironlar birlashmasi tashkil topganligining 30 yilligi munosabati bilan “G'alaba bogi” yodgorlik majmuasida tantanali tadbir bo‘lib o‘tdi

Unda yurtimizning barcha viloyatlaridan faxriylar, shuninglek, Moskva, Qozog‘iston, Qirg‘iziston, Tojikiston kabi ko‘plab qo‘shni davlatlardan jangchi faxriylar ham ishtirok etdilar.

Dastavval mehmonlar majmua hududidagi “Matonat madhiyasi” monumenti poyiga gulchambar qo‘yishdi. Shundan so‘ng “Shon-sharaf” davlat muzeyiga sayohat qilishib, Tinchlik uchun kurashgan mard va jasur O‘zbekiston xalqining Ikkinchi jahon urushi davridagi qahramonligi va oliyjanobligi bilan bog‘liq ma’lumotlar va eksponatlarni ko‘zdan kechirishdi.