Dastavval mehmonlar “Gʻalaba bog‘i” yodgorlik majmuasiga Isroil davlati tomonidan o‘rnatilgan “Minnatdorlik yodgorligi” poyiga gul qo‘yishdi. Shundan so‘ng, “Shon-sharaf” davlat muzeyidan o‘rin olgan eksponat va ekspozisiyalar bilan yaqindan tanishdilar. Ta’kidlash kerakki, “Gʻalaba bog‘i” yodgorlik majmuasi nafaqat yurtdoshlarimiz, balki, mamlakatimizga tashrif buyurayotgan xorijlik mehmonlarning ham sevimli maskaniga aylanib bormoqda. Bu esa, o‘z navbatida O‘zbekistonning dunyo hamjamiyatida tutgan munosib o‘rni va nufuzining yanada ortib borayotganidan dalolat desak aslo xato bo‘lmaydi.