Qozog‘iston Respublikasining Oliy harbiy ta’lim muassasalari mas’ul ofitserlari “Gʻalaba bog‘i” yodgorlik majmuasida bo‘lishdi

Qozog‘iston Respublikasining Oliy harbiy ta’lim muassasalari mas’ul ofitserlaridan iborat delegatsiya poytaxtimizda joylashgan “Gʻalaba bog‘i” yodgorlik majmuasida bo‘lishdi. Tashrif avvalida mehmonlar majmuadagi ulug‘vor “Matonat ramzi” hisoblanmish Zulfiya Zokirova hamda uning oilasiga bag‘ishlangan yodgorlik poyiga gulchambar qo‘yishdi.

Shundan so‘ng, “Shon-sharaf” davlat muzeyi faoliyati bilan yaqindan tanishib, ikkinchi jahon urushi davrida o‘z vatani sharafini himoya qilgan vatandoshlarimizga taalluqli bo‘lgan ma’lumotlar hamda nodir eksponatlarni ko‘zdan kechirib, olgan taassurotlarini yozib qoldirishdi.