Jumladan, poytaxtimizda joylashgan “Gʻalaba bog‘i” yodgorlik majmuasi chin ma’noda yoshlar qalbida Vatan tinchligi har narsadan ustun ekanligini anglatuvchi dargohga aylandi desak mubolag‘a bo‘lmaydi. Bugungi kunda ushbu maskanda turli hil vatanparvarlik  tadbirlari ko‘tarinki ruhda o‘tkazilmoqda. Jumladan, poytaxtimizninig Olmazor tumanida joylashgan nodavlat “Istiqlol” o‘quv vatanparvar sport guruhida tahsil olayotgan ertamiz egalari Vatanga sodiq va munosib farzand bo‘lish oliy baxt ekanini his qilgan holda tantanali “Va’da” berishdi. Ularninig qalbida ertangi kunga bo‘lgan ishonch, vatanga bo‘lgan muxabbat, keksalarga nisbatan hurmat va ehtiromli bo‘lish eng oliy qadriyat ekanini his qilayotganliklarini ko‘zlarida porlagan shijoatdan anglash mumkin.

Yurtimizda bugungi kun yoshlari uchun barcha imkoniyatlar eshigi ochildi. Bu esa, ularni yanada yuksak marralar sari intilishlari va bu imkoniyatlardan unumli foydalanishlari uchun zamin yaratmoqda. “Istiqlol” gruhida tahsil olayotgan tinglovchilarimizning vatan oldidagi burchini his qilgan holda tantanali “Va’da” berganligi ham fikrimizninig yorqin misolidir,–deydi “Istiqlol” o‘quv vatanparvar sport gruhi rahbari Mahmudjon Norboboyev.