Unda mudofaa vaziri general-leytenant Bahodir Qurbonov, faxriy mehmonlar, harbiy xizmatchilar, musobaqa g‘oliblari, taniqli san’atkorlar, ommaviy axborot vositalari xodimlari ishtirok etdi.

        Jahonning 42 ta davlati Qurolli Kuchlari ishtirok etgan  “ArMI-2021” Xalqaro armiya o‘yinlarida O‘zbekiston Respublikasi Mudofaa vazirligining 24 ta jamoasi mamlakatimiz sharafini munosib himoya qildi. Фахр билан айтиш жоизки, O‘zbekiston bu yil 4 ta oltin, 9 ta kumush, 4 ta bronza medallarni qo‘lga kiritdi. Shuningdek, 10 ta rekord natijalarni qayd etdi. Umumjamoa hisobida faxrli ikkinchi o‘ringa loyiq deb topildi. Bayramona tadbirda Qurolli Kuchlar Oliy Bosh Qo‘mondoni Shavkat Mirziyoyevning qaroriga muvofiq Xalqaro armiya o‘yinlarida faxrli o‘rinlarni egallagan jamoa a’zolari va musobaqalarda rekordlar qayd etgan harbiy xizmatchilar O‘zbekiston Respublikasi Prezidentining qo‘l soati, pul mukofotlari bilan taqdirlandi.

        Shu bilan birga, Xalqaro armiya o‘yinlarida alohida jonbozlik ko‘rsatgan harbiy xizmatchilarga navbatdagi harbiy unvonlar muddatidan oldin topshirildi.

        Tadbir davomida Tokioda o‘tkazilgan XVI yozgi paraolimpiya o‘yinlarida yurtimiz sharafini munosib himoya qilib, 8 ta oltin, 5 ta kumush va 6 ta bronza medallarni qo‘lga kiritgan shijoatli, matonatli sportchilarimizning ulkan yutuqlari ham yuksak e’tirof etildi – “Namunali xizmatlari uchun” ko‘krak nishoni va esdalik sovg‘alari, davlat mukofotlari bilan taqdirlandi.

        Tantanali marosimda Qurolli Kuchlar Markaziy ashula va raqs ansamblining ijodkorlari tomonidan ijro etilgan vatanni madh etuvchi kuy va qo‘shiqlar, yurtimizning taniqli san’atkorlari hamda folklor jamolarning milliy ruhdagi raqslari  barchaga yuqori kayfiyat baxsh etdi.