Tadbirda so‘z olganlar “Mustaqillik bergan imkoniyatlar” “Mustaqillik buyuk ne’mat”, “Keksalar o‘giti yoshlarga ibrat” mavzularida ma’ruzalar o‘qib, mamlakatimizda olib borilayotgan islohotlar natijasida erishilgan yutuqlar borasida so‘z yuritishdi. Tadbirda ishtirok etgan bir guruh faxriylarga “Mehnat faxriysi” ko‘krak nishoni tantanali ravishda taqdim etildi. Shuningdek, tadbirda  Mudofaa vazirligi “Vatanparvar” badiiy to‘garagi a’zolari hamda o‘quvchi yoshlar tomonidan ijro etilgan kuy va qo‘shiqlar kechaga o‘zgacha shukuh baxsh etdi. Ayniqsa, Mahsus avariya tiklash boshqarmasining "Impuls" jamoasi tomonidan ijro etilgan vatanni madh etuvchi kuylar barchaga ko‘tarinki kayfiyat ulashdi. Ta’kidlash kerakki, bu kabi uchrashuvlar barcha avlod vakillarining bir-birlariga bo‘lgan mehr-muhabbati, ayniqsa yoshlar ongida vatanga bo‘lgan muhabbat, ertangi kunga bo‘lgan ishonch va keksa avlod vakillariga bo‘lgan hurmat va ehtirom tuyg‘ularini yanada mustahkamlashda muhim ahamiyat kasb etadi.