Mazkur kitob bu boradagi dastlabki qadam bo‘lib, urushga safarbar etilgan vatandoshlarimizning farzandlari, yaqin qarindoshlari va do‘stlarining xotiralari asosida yaratildi. Undagi noyob ma’lumotlar esa, Gʻaybiddin Fazliyev, Majid Samadov, Iskandar Rahmon, Muqaddas Abdusamatova kabi o‘nlab elga tanilgan jurnalist, yozuvchi, ziyoli olimlar   tomonidan taqdim etildi. 

Tadbirda elimiz suygan yozuvchi va shoirlar hamda keng jamoatchilik vakillari ishtirok etdi. So‘z olganlar urush yillarida O‘zbekiston xalqininig ko‘rsatgan qahramonligi va jasoratlarini yod oldilar. Shuningdek, “Xotiralardan o‘rin olgan tarix”  kitobini chop etishda faol ishtirok etgan xodimlar hamda yozuvchilarga  ushbu kitob  taqdim etildi. San’atkorlar tomonidan ijro etilgan kuy va qo‘shiqlar kechaga o‘zgacha shkuh bag‘ishladi.

 Ta’kidlash kerakki, mazkur kitobda keltirilgan “Mangulikka daxlor jasorat”, “Qahramonlar”, “Samarqandning shuhrat quchgan o‘g‘lonlari”, “Uch aka-uka taqdiri” nomli maqolalar kitobning urush davri xotiralari inson qalbida mangu o‘chmas xotira bo‘lib qolishi bilan ahamiyatlidir.