“Gʻalaba bog‘i” yodgorlik majmuasining majlislar zalida Qurolli Kuchlar Markaziy ashula va raqs ansambli tashkil etilganligining 29 yilligi munosabati bilan bir guruh ansambl harbiy xizmatchilarini taqdirlash marosimi bo‘lib o‘tdi. Unda O‘zbekiston Respublikasi Mudofaa vazirining  I, II va III darajali “NAMUNALI XIZMATI UCHUN” ko‘krak nishoni, “ESDALIK NISHONI”, faxriy yorliq va qimmatbaho sovg‘alari bilan taqdirlandi. Bundan tashqari, “O‘zbekiston “VETERAN” jangchi-faxriy va nogironlari Birlashmasi raisi tomonidan ansamblning eng faol harbiy xizmatchilari “O‘zbekiston “VETERAN” Birlashmasi oldidagi xizmatlari uchun” medali bilan ham taqdirlandi. 
          – Bizga qaratilayotgan bunday yuksak e’tibor xizmat majburiyatlarimizni sidqidildan bajarib, samarali ijodiy faoliyat yuritib, xalqimiz, ayniqsa yosh avlodni harbiy-vatanparvarlik ruhida va buyuk sarkarda ajdodlarimizning bebaho merosiga hurmatda. Shu bilan birga, ularni vatanga bo‘lgan muhabbat va sadoqat ruhida kamol topishlarida yanada shijoat bilan ishlashga zamin yaratdi, desam mubolag‘a bo‘lmaydi,–deydi Dadaxon GʻANIYeV.
Darxaqiqat, e’tibor va g‘amho‘rlik insonga nafaqat ko‘tarinki kayfiyat, balki shijoat va g‘ayrat bilan faoliyat yuritishlarida muhim ahamiyat kasb etadi. “Gʻalaba bog‘i” bog‘i yodgorlik majmuasi rahbariyati hamda Majmua jamoasi nomidan ham barcha Qurolli Kuchlar Markaziy ashula va raqs ansambli tashkil etilganligining 29 yilligi munosabati bilan muborakbod etib, ularning kelgusidagi xizmat faoliyatlariga zafarlar tilab qolamiz. 

“Gʻalaba bog‘i” yodgorlik majmuasi Matbuot xizmati