Jumladan, “Gʻalaba bog‘i” yodgorlik majmuasida Ichki ishlar vazirligi, Davlat xavfsizlik xizmati, Mudofaa vazirligi va Milliy gvardiya xodimlari o‘rtasida “Men g‘olibman” shiori ostida ommaviy yugurish marafoni o‘tkazildi. Marafon shartiga ko‘ra, ishtirokchilar 10 km masofaga yugurib, o‘zlarining shijoati va chaqqonligini namoyon etdilar. Marraga birinchilardan bo‘lib yetib kelgan ishtirokchilarga faxriy yorliq va esdalik sovg‘alari topshirildi.
– Ushbu marafon bizning jismonan sog‘lom va  intellektual salohiyatimizni yanada mustahkamlashda, shuningdek, tashkilotlararo hamkorlik va do‘stlik aloqalarini yanada mustahkamlashda muhim ahamiyat kasb etmoqda, –deya ta’kidlashdi marafon ishtirokchilari.