“Yaxshilik yo‘lida hamkorlik” shiori ostida yaxshilar birlashdi

9-may – Xotira va qadrlash kuni munosabati bilan “G‘alaba bog‘i” yodgorlik majmuasida Toshkent shahar Yangihayot tumani hokimligi tomonidan “Xotira – abadiiy, qadr - muqaddas” shiori ostida Yangihayot tumani ijtimoiy fanlar kesimida tadbir tashkil qilindi. Tadbir doirasida Yangihayot tuman Xalq ta’limi bo‘limi qoshidagi ijtimoiy fanlar uslub birlashmasi tashabbusi bilan Umumiy o‘rta ta’lim maktablari o‘qtuvchilari o‘rtasida “Yangi o‘qituvchi – 2030” Team building texnologiyasi asosidagi ko‘rik tanlov ham o‘tkazildi.

“G‘alaba bog‘i” yodgorlik majmuasida tashkil qilingan bu ko‘rik-tanlov ishtirokchilarga o‘zgacha kayfiyat bag‘ishladi. Tashrif buyurganlar bog‘da joylashgan eksponatlar bilan yaqindan tanishishib, “Shon-sharaf” muzeyini ham tomosha qilishdi. Tanlov ishtirokchilari Ikkinchi jahon urushida front ortida xizmat qilib, O‘zbekistonday jannatmakon yurt tinchligi, farovonligi hozirgi dorilomon kunlar uchun jon bergan yurtdoshlarimizni yodga olishdi.