VАTАN FIDOIYLАRI DOIM E’ZOZDА

O‘zbekiston va Rossiya, hamkorlik davom etmoqda. Ikkinchi jahon urushi va urushdan keyingi yillarda xalqimiz boshiga tushgan og‘ir sinovlar va ularni yengib o‘tgan xalqimiz, o‘sha davrda Yoshlarimizning front ortida ko‘rsatgan jasorati va vatanga bo‘lgan sadoqati, xalq xo‘jaligidagi turli sohalarda ko‘rsatgan faoliyati haqida hikoya qiluvchi “Vospominaniya detey Velikoy pobedy” “Buyuk g‘alaba bolalarining xotiralari” nomli kitobi yoshlarni vatanparvarlik ruhida voyaga yetishida yana bir muhim manba sifatida chop etildi.

Rossiya federatsiyasi hukumati O‘zbekiston Respublikasida Yoshlar tashkiloti tomonidan olib borilgan ikkinchi jaxon urushi va keyingi yillar davomidagi mardonavor mehnat yoritib berilgan ushbu kitob bilan tanishib, uni yuqori baholadi.

Joriy yilning 9 aprel kuni “G‘alab bog‘i” yodgorlik majmuasi “Shon-sharaf” muzeyining anjumanlar zalida mazkur kitobni yaratilishida va chop etishda faol ishtirok etgan mehnat faxriysi R. O. Аlimov va bir guruh faxriylarni taqdirlash marosimi bo‘lib o‘tdi. Ushbu tadbirda Rossiya federatsiyasi elchixonasi 1-kotibi S. S. Ignatenko va Toshkent shahri hokimining maxalla, faxriylar va jamoat bilan ishlash bo‘yicha maslahatchisi, senator R. А. Kalonov qatnashdilar. Faxriylarga taqdim etilgan mazkur mukofot Rossiya federatsiyasi tomonidan joriy etilgan bo‘lib, ikki davlat o‘rtasidagi mustahkam do‘stlik aloqalarini yanada mustahkamlashga zamin yaratdi desak mubolag‘a bo‘lmaydi.