YURTGА MUNOSIB VORIS BO‘LISH HАR BIRIMIZNING BURCHIMIZDIR

Yurtimizda aholini ijtimoiy himoya qilish va ko‘makka muhtoj oilalarni har tomonlama qo‘llab-quvvatlashga qaratilgan tizimli ishlar bugun o‘z samarasini bermoqda. Ularga moddiy ko‘mak berish bilan bir qatorda maʼnaviy ko‘mak ham eng muhim masalalardan hisoblanadi. Jumladan, yurtimizdagi madaniy xordiq chiqarish maskanlari va tarixiy obidalar kabi maskanlar bilan yaqinroq tanishishi maqsadida qator tadbirlar amalga oshirilmoqda. “G‘alaba bog‘i” yodgorlik majmuasi hamda “O‘zavtovokzal” servis unitar korxonasi hamkorligida Poytaxtimizning Mirzo Ulug‘bek tumani Аvayxon mahalla fuqarolar yig‘inida istiqomat qilayotgan kam taʼminlangan, boquvchisini yo‘qotgan, “Temir daftar”ga kiritilgan fuqarolar, shu jumladan bir guruh yoshlarni “G‘alaba bog‘i” hamda uning hududidagi “Shon sharaf” davlat muzeyiga sayohat uyushtirildi.

Ular mazkur maskandagi Ikkinchi jahon urushi yillarida tinchlikni asrash yo‘lida yuksak jasorat namunalarini ko‘rsatgan o‘zbekistonlik ota-bobolarimizning ibratli hayot yo‘llari va ularga taalluqli bo‘lgan eksponatlar bilan yaqindan tanishdilar. Sayohat mobaynida yoshlar, Ona vatan tinchligi har narsadan ustun ekanligini taʼkidlab, yurtimizda xalq manfaati yo‘lida yaratilayotgan keng imkoniyatlardan samarali foydalanib, yurtga munosib voris bo‘lish har birimizninig burchimizdir – deya faxr bilan eʼtirof etishdi