VАTАN TINCHLIGI HАR NАRSАDАN USTUNDIR

Samarqandlik yoshlar “G‘alaba bog‘i” yodgorlik majmuasida

Mamlakatimiz Prezidenti Shavkat Mirziyoev taʼkidlaganidek, ––– Mamlakatimizni ertangi kuni, farovonligi, farzandlarimiz qanday inson bo‘lib kamolga yetishi bilan bog‘liq. Bizning asosiy vazifamiz – yoshlarning o‘z salohiyatini namoyon qilishi uchun zarur sharoitlar yaratishdan iborat. Darxaqiqat, tarixni bilmay turib mustahkam kelajakni qurib bo‘lmaydi. Bugungi kunda yurtimizda yosh avlodni vatanparvar va komil inson bo‘lib kamol topishlari uchun barcha zarur sharoitlar yaratilmoqda. Jumladan, poytaxtimizdagi “G‘alaba bog‘i” yodgorlik majmuasi ham chin maʼnoda ertamiz egalarining tinchlik va osoyishtalikni qadriga yetgan holda kamol topishlarida muhim ahamiyat kasb etib, Ikkinchi jahon urushi yillarida Ota – bobolarimizning tinchlikni asrash yo‘lida chekkan zahmatlari va jasorati xaqidagi maʼlumotlarni yetkazib, vatanga bo‘lgan muhabbatlarini yanada mustahkamlashga xizmat qilmoqda. Mazkur majmuaga deyarli har kuni respublikamizning turli hududlaridan o‘quvchi yoshlar va talabalar sayohatlar uyushtirib, Urush yillarida O‘zbekiston xalqininig buyuk g‘alabaga qo‘shgan ulkan hissasini o‘zida madh etuvchi noyob eksponat va ekspozitsiyalar bilan yaqindan tanishib kelmoqda. Jumladan, “Shahirizoda Sam Star Tour” turistik kompaniyasi tashabbusi bilan Samarqand veterinariya instituti talabalari ham ushbu maskan faoliyati bilan yaqindan tanishib, o‘zlarining bu yerdan olgan taasurotlarini yuqori baholab, vatan tinchligi har narsadan ustun ekanligini taʼkidladi.

“G‘alaba bog‘i” yodgorlik majmuasi matbuot xizmati.